close
今日跟左下面個食譜去整咖啡曲奇,但係就覺得咖啡味過重
有點苦苦既感覺
...鬆化就真係超鬆化啦!!
但個人覺得味道有待改進...
不過一向勁鍾情於咖啡的媽媽就竟然覺得超好食...話咖啡係要咁濃味先好食
咁夠竟係我個人唔喜歡咁重咖啡味定係咩呢??
我個人就覺得可以將咖啡粉減到7-8克都冇問題!!
仲有我唧花既技術真係唔掂....唔靚仔啊!! 真係多多要練習先得啊!!
下次再整會POST上黎同大家分享一下減左咖啡粉既效果
咖啡曲奇食譜~~(食譜來自Angel)
材料 :
牛油125克~~糖粉/霜60克~~低筋粉40克~~鷹粟粉45克~~高筋粉75克~~咖啡粉10克~~蛋白30克
做法 :
1) 粉類過篩。預熱焗爐180度
2) 牛油和糖混合。
3) 加入蛋白混合。
4) 加入粉類混合。
5) 入唧袋，唧出自己喜歡的形狀。
6) 入爐焗15-20分鐘。出爐放架上放涼。
TIPS: 打牛油時間最小3分鐘, 因為牛油係一定要打得夠, 做出黎既曲奇先會夠鬆架
全站熱搜
留言列表
